Колькасьць загінулых у выніку моцных дажджоў, якія выклікалі паводку ў паўднёвым бразыльскім штаце Рыў Грандзі ду Сул, павялічылася сама меней да 78 чалавек, паведамілі ў нядзелю мясцовыя ўлады. Больш за 115 тысяч чалавек былі вымушаныя пакінуць сваё жытло, піша Reuters.
Масіўная паводка, выкліканая моцным дажджом у паўднёвым бразыльскім штаце Рыў Грандзі ду Сул, прывяла да таго, што да канца нядзелі колькасьць загінулых павялічылася як мінімум на 78 чалавек, а амаль 120 тысяч чалавек былі перамешчаныя.
Прэзыдэнт Луіз Інасью Лула да Сілва і яго кабінэт міністраў прыбылі ў рэгіён у нядзелю раніцай, каб абмеркаваць зь мясцовымі ўладамі меры для выратаваньня і рэканструкцыі.
«Я ведаю, што ў нас шмат дзяржаўных дарог, якія патрабуюць рамонту. Я хачу вам сказаць, што я не хвалююся, таму што фэдэральны ўрад празь Міністэрства транспарту дапаможа вам аднавіць дзяржаўныя дарогі».
Добраахвотнікі з лодкамі, воднымі матацыкламі ці нават проста ўплаў дапамагалі ў выратавальных работах.
Колькасьць загінулых усё яшчэ можа рэзка ўзрасьці, паколькі ў нядзелю больш за сто чалавек лічацца, што прапалі бязь вестак, паводле дадзеных упраўленьня грамадзянскай абароны штату.
Паводкі ў выніку штормаў за апошнія некалькі дзён закранулі больш за дзьве траціны з амаль 500 гарадоў штату, які знаходзіцца на мяжы з Уругваем і Аргентынай.
Паводкі разбурылі дарогі і масты ў некалькіх гарадах, дождж таксама выклікаў апоўзьні і частковы абвал грэблі на малой гідраэлектрастанцыі, пакінуўшы амаль паўмільёна чалавек безь сьвятла ў нядзелю ўвечары.
Форум